Mie säälin taas kirkkoa, olemakos met aivan sekopäitä!

Mie en käsitä, miksi erota kirkosta tuon Räsäsen höpinöitten takia. En tajua sitä ihmistä, siis ministeri Päivi Räsästä ja ihmettelen ussein, että son senthän lääkärisihminen, mutta saahan se tuommosia höpistä, ei se päätä silti. Enkä antas sen päättää minun kuulumisista kirkkoihin. Enkä haluais, että meilon tuommonen ministeri, mutta kunnioitan hommaa, koska monet muut haluaa sen olevan ministeri.

No siis säälin kirkkoa, miksi siittä erota, jos sitä arvostaa ja tykkää muuten. Eikös joka ihminen saa puhua omala suulla ja jos sattuu olheen ministeri puhukkoon, ei se kaikista asioista päätä, se vain puhhuuko – no en sano millain ennen sanothiin.

Räsäsen puhheet on huono perustelu minusta kirkosta eroamiselle. Älkää sitä kirkkoa sen takia jättäkö, mutta jos muuten että halua kuulua, niin tulkaa pois kirkon helmoista.

Kaikesta huolimatta mie toivon kirkole hyvvääko tämä meän valtio ja kansa on niin hulluja, että meilon oiken valtionkirkko. Mie toivon meile kaikile hyvvää ja parasta päivää tänhään, voikaatte hyvin! t. yks ämmi, jolle itte kirkko ei siis kulukhaan miksikhäänko emmie kuulu siihen!