Usko ihmiskunnan suuhreen syähmeen

Aamula mie jo kerkesin taas aatella, ettei tule mithän. Nyt non alkanu taistelheen kristittyjen puolesta jopa pikkukylissä ja kylien pikkuraiteilla. Sitte julisti se yks ministeriki melkein niinko paavillisesti kristittyjen puolesta ja aiko EU:ssaki pittää suunsa auki eikä kiini. Mitäs jos kunnioittasima ihmistä ihmisenä, vakkaumuksista huolimatta.

Eise auta mithän, jos met tavaliset riehuma vakaumusten ja uskontojen kans. Kunnioittaminen vois olla käyttökelponen tapa lähestyä toisia ihmisiä.

Jokhaisen sisälä meisson se pieni tyttö tai poika, joka haluaa olla kunkku, siis kuningas tai prinssi tai rinsessa. Annama olla toisen ja vaikka Sipilän olla pelastava prinssi, emmä ala riehuhmaan. Jos se Sipilän vaimo siis halus antaa heän koin pakolaisille, entäs sitte. Ei sole meiltä pois. Josson jonku mielestä enkeli, olkhoon. Mekki voima olla jos mitä enkeleitä ja annama toistenki olla.

Mulleppa soitethiin oiken sieltä ihan etelästä, jokos molen nähny pakolaisen. Olen mie nähny ja näin jo hyvinki läheltä, kaitse minun äitiki oli aikansa pakolainen. Soli syntyny Viipurissa 1935 ja päätyny tuone Lapin erämaahan. Entäs sitte 1990-luvun alussako tulin tänne Ouhluun, kyllä, tutustuin pakolaissiin ja heän perhheissiin ja net kävi meilä kylässäki.

Mikä on nyt muuttunu? Ei mikhän. Rauhottukkaa ja luottakaa tapahtuminen kulun johonki viissautheen. Päivä päivältä paremmin on maailma menossa.

Rakastavin ja luottavaisin terhveisin Hilkka Laronia klo 14.22