Jouluasema Torniossa

Alettaasta jollekki! Kylmilhään ollu, hylätyn näkönen Tornion rautatieasema muuttu nyt 12.12. – 20.12.2015 Jouluasemaksi ja elävöittää koko maiseman. Kultivoi koko kauhniin kaupunkinäkymän, ko sisäle sytty valot. 

VR käänsi junansa ja vei jo vuosia sitte pysäkkinsä johonki Torpin pöhheikköön ja pikkuhiljaa koko rautatieasema oli hiljentyny kokohnaan. Vuosien aikana sielon ollu teatteria ja jos mitä kulttuurikeskusta ja nyt siis lopulta jääny fyysisestikki kylmilheen. Mutta eläköön, nyt sen osti yrittelihäät ihmiset ja ideoistaki sain kuulla. Sitei tiä, mitä sielä alkaa tapahtuun, muttei ainakhaan varhmaankkaan ei ehkä meän VR:n toimesta. VR:n ohi lienee aika ajanu. 

Mutta nytpä ihmiset tulivat ihan valojenki kuttumina kattohmaan ja melkein kaikki muistelivat, kuka mitenki millonki sielä ollu ja käyny. Mieki muistanko kouluaikana ootin junnaa tai onnikkaa tuntikaupala ja luulin, ettei se oottaminen sielä lopu ikinä.

No soli vähänko oisin ollu Oranssiliikheen kans liikheellä. Sieloli kylmä, koska rakennus lämmitettiin tätä tilhaisuutta varten puhaltimilla ja paksut kiviseinät ja lattiat hohkas kylmää ja met vaan ilosina hääräsimä sielä.

Mulloli sielä tietenki taidenäyttely: Revontulten kautta Tornionlaakshoon ja sieltä Ouhluun! Ja soli menestys, kahessa päivässä, jokka osaltani kerkesin olla mukana, nimiä vieraskirjassa 182 eikä kaikki kirjottanheet.

Pittää vielä kehua torniolaisia, kuinka net suostut menehmään siihen minun taidekammarhiin siinä sivu-taka-huohneessa, joka kyllä oli mitä mainioin tila taitheelleni. Siis kaikki olit niin kiinostunheita ja seki tietenki, että meilähän oli sama kieli, meän kieli.

Jouluaseman takana on rakennuksen tilat tarjonheet yrittäjät eli rakennuksen omiastajat ja TP-47:n Junioiritoiminta organisoi itte homman talkoovoimin. Ja siis se idea keksittiin ja saman tien totteutettiin ja että on löytyny lennosta ihmisiä tulehmaan esittelheen ja myyhmään omia juttujhaan ja jouluhan on jo ovella.

Ja se itte idea ja se tekeminen. Semmosta just met tarttema kaikki. Hyöty on syämmen asia, talouellisesti ei maata rakenneta vielä tässä vaihheessa, mutta meininki loistava ja sitei tiä, mikä Jouluasema tästä syntyy ja leviää Haaparannan kauttaki maailmalle.

Kiitosko sain olla mukana Jouluaseman syntymisessä, hyörintä sielä jatkuu, mahtavaa Tornio ja TP-47 Juniorityö, teistä saama kattoa mallia!

Hyvvää Joulua Puhheenvuohroonki ja koko UuenSuomen heimolle! t. UuenSuomen 2015 valittema Joulumuori!

http://sarilait.vapaavuoro.uusisuomi.fi/vapaa-aika/207988-pukkipari-2015-valittu

Ilmoita asiaton viesti

Kiitos!

Ilmoitus asiattomasta sisällöstä on vastaanotettu