Politiikka ja kirkko meni jo

Politiikka eijjole ennää meän yhteisten asioitten hoitoa, son ison rahan edistämistä, vai onkosse?

Suomen ev-lut-kirkko eijjole rakastamista, ko son politikointia ja ihmisten arvostelemista ja tuomittemista?

Hei mistäs sitä tietää, minkä valittee, minkä pois jättää, mihin puuttuu, mihin yrittää vaikuttaa?

No ei misthään, ei sitä tiäkhään.

Minnuun teki aivan ihmeellisen vaikutuksen se viiminen #Docventures ja se dokkari siinä, ko se mies pyrki tottuutteen ja eli 25v harhassa, mutteihän se minustakkaanko syvensi sen miehen elämää ja sitä dokkaria, että siinä oli semmonen pimeä kohta.

No meän häätyy siis kuitenki jotenki ellää etheenpäin, muttei meän kannata kuvitella, että met jotenki itte valittisima ja päättäsimä asioista ja varsinkhaan siittä, mihin uskoma. Emmä met tiä, mikä on totta, niin son.

Met voima vain pittää silmiä ja korvia auki sillainko meile itte kellekki on mahollista, meitä höntitethään kuitenki.

Tottuutta voi vain lähestyä. Periaatteittensa ja tietämistensä kans kannattas olla aika herkkänä, päästää irti ja katella ja kuunnella rauhassa, antaa elämän kertoa.

Rakkautta ja voimia, kannustusta ja iloa, voikaa hyvin ja paremminko kukhan muu, sannoo yks UuestaSuomesta löytämäni Seija-ystäväni aina ja nyt mieki sanon!

t. Yks Hilkka Laronia, joka niin helposti sanoilla kulettellee ittensä ja toisiaki kauas pois tottuuesta, älkää ikinä uskoko minua yhthään, aatelkaa ihan itte!