Hyviä käytännön tekoja

Kauhniita puhheita kyllä riittää, mutta hyviä tekoja tämä maailma kaipais?

Net osas jo 1800-luvulla puhua hoijjon tavotteista vaivaistaloissa?

Jokku sano ennen lammaa ja pörssiromahuksia 1900-luvun alussa, että kohta käy huonosti ja niin USA:ssaki joskus 2007, muttei usseimmat muistanu itte aatella oikeasti, miten on?

Opiksi ei otettu Suomessakkaan 1990-luvun alusta, sitä ei tutkita eikä hoijjeta jälkiä..?

Meän kansanedustajaehokkaat ja puolueet puhhuu nyt 2019 ikkäänkuin het vois itte ja yksin oikeasti käytännössä totteuttaa niitä hyviä ja kauhniita ideoita?

Meän mikkään rahat ei riitä sote-uudistusten kaltassiin suunnitelmien totteutuksiin, kaikki on tehty niin määräykselliseksi ja jäykäksi, hoitaja-lääkärit vaikenevat eivätkä uskalla tehä vappaasti ja politiikot ja virkamiehet keitti sopan, jotei pitäs ennää keittää, pitäs pestä koko pata ja yhtäaikaa hoitaa kaikki kansa…?

Reaalitoelliset asiat ja ilmiöt on niin monimutkasia ja hankalia, ettei puoluepomot ees uskalla puhua niistä ja media saivartellee sanoista ja pälättää essiintymisistä?

Halla-aho pyssyy ideoissaan ja saa jostain syystä ihmiset turvaahmaan hänheen, ja sillain se kokoaa kohta hallitusta kansan valtuuttamana politiikkona?

Tulleekhan meile niin iso luuta, että se siivoaa vänggällä meän valtion tallouen ja asiat, politiikkojen ja virkamiesten touhut?

Miehän olen aina äänestäny, mutta nyt en äänestä, mutta ihmetellä mie aijjon nyt ja vastaki ja varsinkiko en ymmärrä tätä maata ja sen herroja.

Siunausta ja onneaa kaunis maailma ja mithän ei tapahu turhhaan, tämei ollu pelkkää kritiikkiä, olipa vaan päällimmäiset höpinät, kiitosko sain taas sanoa.

Rakkauella Hilkka Laronia