Oman elämän timanttikuvio!

Jalkapallossa on se maali ja sitte on se maalin tekijä.
On kympin paikka ja net, jokka syöttää.
Ja tietenki puolustajat kans.
Ja tarkotushan on tehä maaleja siihen maaliin.

Kuvio on se, että miten met tehemä sen maalin!
Suunitelma, että mitä tapahtuu missäki.
Ja tärkeää on, että tehhään kans.
Että met tehemä sen, mitä tehä pittää.
Ja ko meillä on timanttikuvio, met tiämä!
Tiämä mitä meän pittää tehä millonki.

Ja jokkainen osa ja paikka on tärkeä tietenki.
Jos joku istahtaa pallon päälle, peli särkyy.
Jos joku suuttuu ja heittää pallon ulos kentältä, tillaisuus meni ohi.
Jos joku ei tee hommaansa, muittenki pellaaminen häiriintyy?
Pelissä met tiämä oman paikan ja oman homman.
Meilä on oma pelipaikka ja sen hommat.

Elämässäki on timanttikuvionsa.
On työpaikka, koti, omat rakhaat, suku, harrastukset, talous.
Nooh, elämässähän on tavote, että ihminen ellää.

No miten sitä elettään?
No ei sole oiken selvä nakki eikä pyy pivossa?
Niin helposti nouvvatama jos mitä kehotuksia ja merkkejä.
Juoksema pyyntöjen perässä.
Uhraama oman elämän jos mille vaatimuksille.
Pelkäämä rangaistuksia ja taas joku sivureitti käyttöön.
Keksimä jos mitä ajatusta, joka masentaa tai ilostuttaa.
Ja aikansako juoksee pää kolmantena jalkana, aika loppuu.
Voimat ehtyy, met väsymä ja elämäki kohta loppuu.
Pää on sekasin ja kohta son pelit pelattukki.
Peli poikki!
Peli eikä elämä ei kulje oiken ollenkhaan järkevästi ja joustavasti.
Eikä semmosesta ole iloa ittele eikä omille rakhaille.

Elämä on valintaa.
Monet meistä tekkee liikaa.
Nukkuu liian vähän.
Juhlii liikaa.
Syö miten sattuu.
Ja taakka vain kasvaa, ko yrittää ja yrittää.
Vässyy ja masentuu.

Kukas se oiken antas sen timanttikuvion meille.
Että tuosson sinun elämästi kuviot.
Sanos meille, että miten meän kans ois parasta.
Kyllä meän hallitus puhhuu meistä.
Ylen uutisissa sanottaan, kuinka paha mieli meillä on.

Mutta met tiämä ja ossaama itte paremmin.
Muuten tullee politiikkojen suunnittelemaa.
Hallituksen päättämää.

Met tiämä itte, miten se elämä on hyvin.
Elämä kukoistaa omien mahollisuuksien mukhaan.
Ja met itte hehkuma ja loistama ja itkemä välilä.
Sehän se on se elämä.

Ala itte kattohmaan omat asiat ja pelipaikat.
Emmä usko mitä sattuu tai mitä meile opetettaan.
Alama elähmään ihan itte ommaa elämää.
Met itte. Mie itte.

Met tehemä itte oman elämän ikioman timanttikuvion!
Jeeeee ja jess eikä anneta minkhään pelotella eikä höntittää.
Emmä ala pelkäähmään, rakastama ja katoma avoimin silmin.

Ilosin ja rakastavin
Dimangi-terhveisin Hilkka

http://www.laronia.com/index.html